គ្រោះធម្មជាតិនៅចិនពិតជាសាហាវៗណាស់ដូចជាករណីមួយនេះនេះជាដើម

ប្រទេសចិន ៖ តាមប្រភពព័ត៌មាន Shanghaiist បានឲ្យដឹងថា គ្រោះបាក់ដីនៅតំបន់ជនបទនៃប្រទេសចិនសរុប២ករណីបានធ្វើឲ្យមានមនុស្សស្លាប់៣០នាក់ និងបាត់ខ្លួនយ៉ាងតិច១២នាក់ ។

ការរាយការណ៍ពីអាជ្ញាធរកាលពីថ្ងៃពុធបានឲ្យដឹងថា គ្រោះបាក់ដីទីមួយស្ថិតនៅក្នុងក្រុងតូចមួយក្នុងខេត្ត Guizhou កាលពីថ្ងៃច័ន្ទដែលធ្វើឲ្យមានអ្នកស្លាប់២៣នាក់ និងគ្រោះបាក់ដីលើកទីពីរគឺស្ថិតភូមិភាគខាងជើងនៃប្រទេសកើតឡើងកាលពីថ្ងៃពុធដែលធ្វើឲ្យស្លាប់៧នាក់ ។ តាមការរាយការណ៍របស់ភ្នាក់ងារព័ត៌មាន Xinhua បានឲ្យដឹងថា ក្រុមជួយសង្គ្រោះកំពុងតែស្វែងរកមនុស្សដែលបានបាត់ខ្លួនទាំង១២នាក់តែរកមិនទាន់ឃើញ ។

គួរបញ្ជាក់ថា រយៈពេលប្រមាណសប្តាហ៍នេះប្រទេសចិនបានទទួលរងព្យុះភ្លៀងយ៉ាងខ្លាំង ដែលធ្វើឲ្យមានគ្រោះថ្នាក់ផ្សេងៗដូចជា គ្រោះបាក់ដី និងគ្រោះទឹកជំនន់ជាដើម ៕