YouTube ចាប់ផ្ដើមប្ដឹងបិទវេបសាយដែលអាចបំលែងវីដេអូរបស់ខ្លួនទៅជា File Mp3 ហើយ

YouTube នៅពេលបច្ចុប្បន្ននេះ ចាប់ផ្ដើមចេញវិធានការប្រឆាំង និងបិទអ្វីជាប់ទាក់ទង និងប៉ះពាល់ដល់កម្មសិទ្ធបញ្ញា និងវីដេអូចំលងពីគេ។ ដោយថ្មីៗនេះក្រុមហ៊ុន YouTube បានធ្វើការកែប្រែច្រើនខ្លាំងបង្កើតច្បាប់ថ្មី បិទនូវវីដេអូ និងគណនីដែលបង្ហោះវីដេអូចេះតែបង្ហោះដើម្បីអោយបានលុយមិនខ្វល់ពីការប៉ះពាល់ដល់សង្គមនិងក្មេងៗ។

ដោយឡែកថ្មីៗនេះទៀតហើយក្រុមហ៊ុន YouTube បានធ្វើការប្រកាសប្ដឹងបិទនូវ វេបសាយ មួយចំនួនដែល អាចធ្វើការបំលែងវីដេអូ ក្នុងវេបសាយ YouTube ទៅជា Mp3 ហើយ។ ដោយសារវាប៉ះពាល់កម្មសិទ្ធបញ្ញា ខ្លាំងយកវីដេអូចម្រៀងអ្នកដទៃមកចម្លងហើយ បំលែងជា Mp3 ទៀតនោះ។ មិនត្រឹមតែប៉ុណ្ណោះវេបសាយទាំងនោះតម្រូវការដោយគ្រាន់តែ Copy ដំណរភ្ជាប់តែពីវេបសាយ YouTube នោះគឺអាចបំលែងជា File Mp3 បានហើយ ហើយអាចទាញយក file នោះបានទៀតផង។ ដោយហេតុតែវាទាក់ទងនឹងកម្មសិទ្ធបញ្ញារបស់ YouTube ដូច្នេះហើយក្រុមហ៊ុនមួយនេះត្រូវប្ដឹងបិទ វេបសាយទាំងនោះអោយអស់ហើយ នៅពេលនេះវេបសាយល្បីៗមួយចំនួន ដែលអាចបំលែង គ្រាន់តែយកដំណរភ្ជាប់ពីវេបសាយ YouTube ទៅដាក់នៅក្នុងវេបសាយទាំងនោះអាចបំលែងជា Mp3 ត្រូវបានបិទបណ្ដើរៗហើយ។ វេបសាយទាំងនោះមានឈ្មោះថា Mp3.org និង YouTube-Mp3.org សុទ្ធតែត្រូវបានបិទ។