រុស្ស៊ីប្រាប់ទៅអាមេរិក៖ «ឈប់បំផ្លាញមិត្តភាពរវាងយើងទៀតទៅ ហើយចាប់ផ្ដើមដោះស្រាយបញ្ហាដែលអ្នកបង្កឡើង»

(ម៉ូស្គូ)៖ ជំនួបរវាងអនុរដ្ឋមន្ត្រីការបទេសអាមេរិក លោក ថូម៉ាស់ ហ្សានណុន (Thomas Shannon) និងអនុរដ្ឋមន្ត្រីការបរទេសរុស្ស៊ី លោក ស៊ីហ្គៃ ឡាវរ៉ូវ (Sergei Ryabkov) នៅក្នុងទីក្រុង ហែលស៊ីងគី (Helsinki) នៃប្រទេសហ្វាំងឡង់ មិនបានលេចចេញលទ្ធផលជាដុំកុំភួនអ្វីនោះទេ តែរុស្ស៊ីបែរជាអះអាងថា ការចាត់វិធានការសងសឹកប្រឆាំងនឹងមន្ត្រីទូតអាមេរិក អាចនឹងកើតមាននៅពេលអនាគត។ នេះបើតាមការចេញផ្សាយ ដោយសារព័ត៌មាន Russian Today នៅព្រឹកថ្ងៃអង្គារ ទី១២ ខែកញ្ញា ឆ្នាំ២០១៧។

ជាមួយគ្នានោះដែរ នៅក្នុងសេចក្ដីថ្លែងការណ៍ទាក់ទិននឹងជំនួបកាលពីថ្ងៃចន្ទ លោក Sergei Ryabkov បានគូសបញ្ជាក់យ៉ាងដូច្នេះថា «យើងជំរុញឱ្យពួកគេ (សហរដ្ឋអាមេរិក) បញ្ឈប់ការបំផ្លាញទំនាក់ទនងមិត្តភាពរុស្ស៊ី-អាមេរិក និងច្បាប់អន្តរជាតិ ហើយត្រូវងាកមកផ្ដោតសំខាន់ លើការដោះស្រាយបញ្ហាដែលមិនមែនជាកំហុសរបស់ពួកយើង»។ ដោយឡែក នៅពេលអ្នកសារព័ត៌មាន សួរថា តើលើកឡើងបែបនេះមានន័យថា ទីក្រុងម៉ូស្គូនឹងចាត់វិធានការសងសឹក ប្រឆាំងមន្ត្រីទូតអាមេរិកប្រចាំប្រទេសរុស្ស៊ីដែរ ឬទេ លោក Ryabkov វាអាចនឹងកើតមានឡើង តែលោកមិនរំពឹងឡើយថា វានឹងមានរយៈពេលយូរ។

គួរបញ្ជាក់ថា កាលពីថ្ងៃចន្ទ រដ្ឋមន្ត្រីការបរទេសរុស្ស៊ី លោក Sergey Lavrov បានសន្យាថា ទីក្រុងម៉ូស្គូ និងធ្វើបទបង្ហាញអំពីភាពស្មើគ្នា នៃទំនាក់ទំនងជាមួយសហរដ្ឋអាមេរិក បន្ទាប់ពីក្រសួងការបរទេសអាមេរិក បានបិទកម្មសិទ្ធិទូតរុស្ស៊ីចំនួនបី នៅក្នុងសហរដ្ឋអាមេរិកកាលពីដើមខែកញ្ញានេះ៕